سوبر جيت شرق الدلتا

زمايلى حبايبى

القصة دى حصلتلى يوم الجمعة 29 اكتوبر وانا راجع من القاهرة

كالعادة لازم طبعا اروح احجز تذاكر السوبر جيت بتاع شرق الدلتا من مكتب الشركة فى القللى بالقاهرة ( منطقة مشهورة جنب رمسيس لو تعرفوها )

المهم انى لقيت سوبر جيت واقف فى المحطة بس سوبر بولمان مش بولمان بس

طبعا قلت فى نفسى اكيد ده مش رايح المنصورة

و كانت المفاجأة - الباص كان رايح المنصورة فعلا وطبعا مكنتش مصدق ان شركة شرق الدلتا نضفت للدرجة دى

ما شاء الله هيييييييييييييييييييــــــــــــــــــــــــــــــــــه باص محترم

دى صورة الباص من جوة

سوبر جيت شرق الدلتا Up312886535771

و دى صور الباص من بره

سوبر جيت شرق الدلتا Up312886538452

باص اخر شياكة

ديب فريزر جنب السواق
ديب فريزر فى آخر الباص
شاشات LCD 20 بوصة و دى اول مرة تحصل ان تكون فى شاشات LCD
حمام آخر نظافة مع انى مشفتهوش بس بابه كان بيوضح انه نظيف
انوار فى الارض
انوار فوق كل واحد باشكال جامدة
سماعات sub stereo ودى اول مرة اشوفها فى باص ديما بتبقى سماعات عادية
الكرسى فيه امكانية التحريك لليمين و الشمال و ادام و ورا و فرد الظهر وثنيه . طبعا العادى انك بتفرد الظهر وتثنيه بس ده اذا الكرسى طاوعك اصلا
جو اخر رومــــــــــــــــــــــــــــــــــــــانسية

و اخيرا فيلم جامد جدا على عكس العادة ( بشغلوا افلام عبيطة جدا )

كان فيلم اولاد العم . اياكوا حد يقولى فبلم وحش

المهم كان قاعد ادامى واحد محيينى انه صاحب الباص

اول حاجة فرد الظهر عليا اوى

انت يا عم الحاج رجع الظهر عليك شوية . ولا حياة لمن تنادى

بدأ الفيلم

صاحبنا حبكت معاه يقرأ الجرنال و فاتحه صفحتين مش صفحة واحدة فطبعا كل اللى وراه مش شايفين اى حاجة
قضيتها من اول الفيلم على الصوت بس على امل ان الاخ يخلص

هييييييييييييييييييـــــــــــــــــــــــــــه اخيرا خلص

و يا فرحة ما تمت

صاحبنا رجع يقرأ الجرنال بالراجع اووووووووووووووووووووووووفففففففففففففف
فين وفييييييييييييييييييييين عما خلص اخيرا . طبعا كان عدى حوالى ربع الفيلم

هيييييييييييييييــــــــــــــــــــــــــــه اخيرا خلص

و يا فرحة ما تمت

المحترم فرد ذراعه ورا رأسه . طبعا انا مش شايف اى حاجة من ذراعه

انت يا عم الحاج انا مش شايف حاجة . ولا حياة لمن تنادى

هييييييييييييييييييييييــــــــــــــــــــــه اخيرا نزل ذراعه

و يا فرحة ما تمت

قعد نص ساعة يتمايل يمين و شمال وانا قاعد وراه اتمايل برده عشان اعرف اشوفو طبعا فين و فين عما هدى

هيييييييييييييييييييــــــــــــــــــــــــه جت اكتر حتة بحبها فى الفيلم

و يا فرحة ما تمت

المحترم وقف فى نص الباص عشان يعدل هدومه . نص ساعة بيعدل فى هدومه بعدها راح الحمام

اخيرا عرفت اتفرج شوية على الفيلم بدون ازعاج

هيييييييييييييييييييييييــــــــــــــــــه جت لقطة تانية بحبها . اهى تعوض اللقطة اللى راحت

و يا فرحة ما تمت

المحترم خلص وراجع على الكرسى بتاعه و طبعا لازم يظبط هدومه قبل ما يقعد . ضاعت اللقطة

و ضاع الفيلم بسبب الاخ و لقيتنا وصلنا المنصورة

سوبر جيت شرق الدلتا Up312886568741

دى صورة لقطها للشاشة بعد ما وصلنا

سوبر جيت شرق الدلتا Up312886568753

انتوا قولولى لو حصلكوا نفس الموقف هتعملوا ايه Crying or Very sad

]

عدد المساهمات : 13 تاريخ التسجيل : 27/01/2011

هههههههههههههههههههههههههههههههههههههههههههههههههههههههههههههه

انا لو كنت مكانك كنت باءيدى وعلى قفاه على طول

يلا معلش خيرها فى غيرها ههههههههههههههه

هههههههههههههههههههههههههههههههههههههههههههههههه

كان نفسى اعملها والله

Very Happy

» الجزء الاول من مشروعات 1 عمارة - الدلتا